Министрлік қалдықты қайта өңдеушілерге 232,2 млрд теңге бөледі
Үкімет бұл саладағы жобаларды қаржыландырудың жеңілдетілген тетігін бекіткен
Экология және табиғи ресурстар министрі Ерлан Нысанбаевтың айтуынша, бүгінде қалдықтардың шыны, пластик және макулатура сияқты негізгі түрлері бойынша қайта өңдеу қуаты төмен деңгейде.
Осыған байланысты Үкімет қалдықтарды басқару саласындағы жобаларды қаржыландырудың жеңілдетілген тетігін бекіткен.
Сондай-ақ ол министрліктің жанынан құрылған жобалық топтың әкімдік және бизнес өкілдерімен кездескенін айтты. Жобаларды қарау кезінде өңірлердегі коммуналдық қалдықтардың ағымдағы жағдайын талдауға және проблемаларды жүйелі түрде шешу тұрғысынан жобалардың тиімділігіне баса назар аударылған. Нәтижесінде 232,2 млрд теңгеге 94 жоба іріктеліп отыр.