800 мың теңгеге дейін жалақы алатын автобус жүргізушілері неге тапшы?
Қазіргі жүргізушілердің орташа жасы – 45 жас
Елімізде автобус жүргізушілеріне қойылатын талап жеңілдеуі мүмкін. Бұл туралы Көлік министрлігі мәлімдеді.
Қазір жолаушы тасымалымен айналысатын кәсіпорын өкілдері биліктен автобустарды жаңарту үшін шара қабылдауды, автобус жүргізушілері үшін қажет жұмыс өтілін азайтуды, D санатындағы жүргізуші куәлігін алу үшін жас көрсеткішін төмендетуді сұрап отыр. Ал оған қатысты заң жобасы Мәжілісте қаралып жатыр.
Сондай-ақ ол бұл мәселеге талдау жүргізілгенін жеткізді.
Астанадағы City Transportation Systems (CTS) компаниясы да талаптың күшеюі салдарынан 500-600 мың теңге жалақы алатын жүргізушілердің табылмай кеткенін жеткізді. Компания мәліметінше, қазір елорданың автобус парктерінде 1 852 жүргізуші жұмыс істейді. Ал қаланың қажеттілігі 2 912 адамды қамтиды. Осылайша, жүргізуші құрамының тапшылығы – 1060 адам.
Қазіргі жүргізушілердің орташа жасы – 45 жас. Ал 50-ден 65 жасқа дейінгі жүргізушілердің үлесі – 30 пайыздан асады. Тек 2 пайызға жетер-жетпесі – 25-тен 29 жасқа дейінгілер. Бұл көрсеткіш – алдағы 5-10 жылда жүргізуші құрамының үлкен тапшылығы болады деген сөз.